Burial for unclaimed dead bodies

Halmashauri ya Jiji la Dar es Salaam katika kutekeleza majukumu yake mojawapo likiwa ni utoaji wa huduma za maziko kwa miili ya marehemu wasiotambuliwa na ndugu zao kutoka katika hospitali mbalimbali za Mkoa wa Dar es Salaam.

Katika kutekeleza huduma ya maziko kwa marehemu wasiokuwa na ndugu, Halmashauri ya Jiji la Dar es Salaam inatumia gari maalum lenye majokofu manne ambayo yanatumika kuilinda miili ya marehemu ili isiharibike ambalo lina uwezo wa kubeba miili ya marehemu minane (8) hadi kumi na sita (16) kwa wakati mmoja kwa ajili ya kupelekwa katika makaburi kwa shughuli za maziko.