Afisa Utumishi akabidhiwa tuzo kwa kuratibu vizuri zoezi la kupandishwa vyeo watumishi

Posted on: September 5th, 2024

Mkurugenzi wa Halmashauri ya Jiji la Dar es Salaam Elihuruma Mabelya amemshukuru Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kuwapandisha vyeo Watumishi zaidi ya elfu nne (4000) wa Jiji hilo ili waweze kupata hamasa katika utendaji kazi wao.

Mkurugenzi Mabelya ameyasema hayo Leo tarehe 5 Septemba, 2024 Ofisini kwake mara baada ya kumkabithi tuzo Afisa Utumishi Aisha Ally kwa kuratibu vizuri zoezi la kupandisha vyeo vya watumishi mwaka huu ambapo amesema Afisa huyo anastahili kupewa Tuzo hio  kutokana na utendaji kazi Bora.

Amesema katika kutekeleza majukumu ya Serikali, Jiji la DSM limekuwa mfano wa kuigwa kwenye nyanja mbalimbali ili kutimiza adhma ya Rais Dkt. Samia Suluhu Hassan katika kulinda maslahi ya Watumishi na kuleta Maendeleo hapa Nchini.

Aidha, Mabelya amewataka Watumishi wa Jiji hilo kuhakikisha wanafanya kazi Kwa weledi ili kufikia malengo ya Serikali na kuwa mfano wa kuigwa katika utendaji kazi bora.

Nae Afisa Utumishi Aisha Ally amemshkuru Mkurugenzi kwa kumkadhi tuzo hio na kuaahidi kutoa ushirikiano kwa Watumishi wenzake katika utendaji kazi wao.