Ni miongoni mwa Vitengo vinne vilivyoko chini ya Ofisi ya Mkurugenzi katika Muundo wa Halmashauri ya Jiji ulioidhinishwa mwaka 2005 na Ofisi ya Rais, Tawala za Mikoa na Serikali za Mitaa (TAMISEMI). Pamoja na jukumu la kuratibu shughuli za maendeleo ya Halmashauri ya Jiji, Kitengo hiki kina majukumu makubwa yafuatayo:
Kumshauri Mkurugenzi wa Jiji kuhusu masuala ya Kiuchumi na Uwekezaji.
Kufuatilia Utekelezaji wa Miongozo na Sera zinazotolewa na Serikali.
Kubuni vyanzo vipya vya mapato na kuratibu Vitega Uchumi vya Halmashauri ya Jiji.
Kuratibu na Kuandaa taarifa mbalimbali za Miradi ya Maendeleo ya Halmashauri na kuziwasilisha mkoani na Wizarani.
Kufanya tafiti mbalimbali za Kiuchumi na Kijamii Jijini.
Kuratibu miradi ya Kiuchumi inayotekelezwa na Halmashauri ya Jiji.
