Kampeni ya Upimaji Afya Bure kwa Wakazi wa Jiji la Dar es Salaam

Mkuu wa Mkoa wa Dar es Salaam Mhe. Paul C. Makonda anawatangazia Wananchi wote wa Jiji la Dar es Salaam kujitokeza kwa wingi kwenye Kampeni ya Upimaji wa Afya Bure kuanzia siku ya Jumatano ya tarehe  06 hadi10 Septemba, 2017 kwenye Viwanja vya Mnazi Mmoja.

Lengo la Kampeni hii ni kutoa huduma ya upimaji wa afya bure kwa wananchi wa Jiji la Dar es Salaam na kuwahamasisha wananchi kuwa na utamaduni wa kupima afya zao mara kwa mara ili waweze kuendesha maisha yao kwa gharama nafuu zaidi na kuwaepusha na magonjwa ambayo yangeweza kutibika iwapo wangepata taarifa mapema.