Kitengo cha Sheria na Usalama ni moja kati ya vitengo vinne vinavyowajibika moja kwa moja kwa Mkurugenzi wa Jiji na majukumu yake makuu ni kuishauri Halmashauri ya Jiji kuhusiana na masuala ya kisheria, kutetea maslahi ya Halmashauri ya Jiji na kuandaa mikataba na makubaliano mbalimbali yanayohusu masuala ya kisheria hususani katika :-
Kutetea maslahi ya Halmashauri ya Jiji la Dar es Salaam katika kesi mbalimbali zilizofunguliwa dhidi ya Halmashauri ya Jiji au zilizofunguliwa na Halmashauri dhidi ya watu/Taasisi au makampuni mbalimbali.
Kutoa ushauri wa kisheria kwa mamlaka mbalimbali / watu binafsi kuhusiana na sheria mbalimbali
Kusimamia uendeshaji wa kesi katika Mahakama ya Jiji.
Kusimamia shughuli zote za ulinzi na usalama juu ya mali za Halmashauri ya Jiji la Dar es Salaam.
Kuandaa mikataba na makubaliano mbalimbali kati ya Halmashauri ya Jiji la Dar es Salaam, watu, makampuni, pamoja na taasisi nyingine.
