Dar yakabidhiwa Mpango Kabambe wa Usafiri, Usafirishaji

Tarehe iliyowekwa: April 10th, 2018

Mkurugenzi wa Halmashauri ya Jiji la Dar es Salaam, Bi. Sipora Liana leo tarehe 10 Aprili, 2018 katika Ukumbi wa Mwalimu Nyerere amekabidhiwa mpango kabambe wa usafiri na usafirishaji katika Jiji la Dar es Salaam "DAR ES SALAAM URBAN TRANSPORT MASTER PLAN" ambao umeandaliwa kwa ushirikiano baina ya Serikali ya Jamhuri ya Muungano wa Tanzania na Serikali ya Japan kupitia Shirika la Maendeleola Kimataifa la Japan (JICA). 

Mpango huo ambao umeandaliwa kwa kufanya Mapitio ya Mpango kabambe wa awali na kuwa mpango unaolenga kufikia mwaka 2040 kwa kufanya upembuzi yakinifu katika maeneo yenye miradi ya kipaumbele kwa kuzingatia mapitio ya mpango wa awali na kuwajengea uwezo wasimamizi na watekelezaji wa mpango ili kuboresha hali ya usafiri na usafirishaji. 

Mpango kabambe wa usafiri na usafirishaji katika Jiji la Dar es Salaam unalenga maeneo yote ya kiutawala ya Jiji pamoja na Mkoa wa Dar es Salaam kama ulivyo Mpango wa awali.