DC Mpogolo akutana na Wakandarasi na Walimu wa Sekondari

Tarehe iliyowekwa: December 17th, 2024

Mkuu wa wilaya ya Ilala Mheshimiwa Edward Mpogolo leo Disemba 17, 2024 amekutana na kufanya kikao na wakandarasi pamoja na walimu wa Sekondari zinazotekeleza ujenzi wa miradi ya Sekondari.

Lengo la Kikao hicho ni kupanga mikakati ya kukamilisha Miradi hiyo ikiwa ni maandalizi ya kuwapokea wanafunzi wanaoanza kidato cha kwanza mwaka 2025.

Katika kikao hicho Wakandarasi walipata nafasi ya kujadiliana changamoto mbalimbali na hatua za kuweza kuzitatua ili kuweza kufikia malengo waliyojiwekea.

Mkurugenzi wa Jiji la Dar es Salaam Elihuruma Mabelya pamoja na baadhi ya wakuu wa Divisheni na Vitengo kutoka Halmashauri ya Jiji hili walihudhuria pia kikao hicho.