Mkuu wa Wilaya Tanga avutiwa na banda la Halmashauri ya Jiji maonesho ya Nanenane

Tarehe iliyowekwa: August 2nd, 2018

Mkuu wa Wilaya ya Tanga Mheshimiwa Thobias Mwilapwa leo tarehe 2 Agosti, 2018 ametembelea banda la Halmashauri ya Jiji la Dar es Salaam lililopo katika maonesho ya 25 ya Kilimo Nanenane, Kanda ya Mashariki kwenye viwanja vya Mwalimu Julius Kambarage Nyerere mkoani Morogoro na kupata maelezo ya ufafanuzi kuhusu utekelezaji wa shughuli za kila siku na za miradi ya maendeleo ya Halmashauri ya Jiji la Dar es Salaam ili kuweza kutoa huduma bora kwa wananchi na wadau mbalimbali wa Jiji la Dar es Salaam. 

Mheshimiwa Mwilapwa amepongeza huduma mbalimbali zitolewazo na Halmashauri ya Jiji la Dar es Salaam zikiwemo utolewaji wa mkopo kwa wanawake na vijana ili kujikwamua kiuchumi, kujiongeza kipato na kupunguza tatizo la ajira, uhamasishaji wa kilimo cha mjini, mpango wa kukuza na kuendeleza utalii jijini, Urejelezaji wa Taka Ngumu na utekelezaji wa miradi mikubwa ya maendeleo ikiwemo ujenzi wa Kituo Kikuu cha kisasa cha mabasi yaendayo mikoani na nchi jirani cha Mbezi Luis.