Jubilee Insurance wakabidhi Madawati 45 Shule ya Msingi Kisutu

Tarehe iliyowekwa: June 2nd, 2023

Kampuni ya Bima ya Jubilee, leo tarehe 02 Juni, 2023 wamemkabidhi Mkuu wa Wilaya ya Mhe. Edward Mpogolo Madawati 45 kwa ajili ya wanafunzi wa Shule ya Msingi Kisutu.

Makabidhiano hayo yaliyoyafanyika kwenye ukumbi wa Shule ya Msingi Kisutu, yalishuhudiwa na Viongozi mbalimbali wa Chama, Wilaya, Kata, Shule pamoja na Uongozi wa Jubilee Insurance.

Akiongea wakati wa hafla hiyo ya makabidhiano, Mkuu wa Wilaya ya Ilala alisema "Sisi kama Serikali thamani ya madawati haya hatuioni kwenye hiyo Milioni 10 ambayo mmetoa, thamani tunayoiona ni wale watoto wetu watakaofaulu kwa kukaa kwenye madawati haya"

Aidha, upatikanaji wa madawati hayo umeweka uwiano wa dawati moja kukaliwa na wanafunzi watatu kutoka wanafunzi wanne, hivyo madawati hayo yameondosha changamoto za ukaaji shuleni hapo "Ukitaka kuangalia thamani ya hili dawati huwezi kuipata "Ile thamani atakayoipata mwanafunzi kwa kukaa kwenye dawati na mafanikio atakayoyapata kuandika vizuri, kufanya vizuri, kukaa kwa amani na utulivu ndiyo sisi kama Serikali tunaona thamani ambayo Jubilee wanaitoa kwetu kama Serikali na kwa watu wetu wa Kata hii ya Kisutu tunashukuru."