Madiwani Jiji watembelea eneo la mradi wa ujenzi wa dampo la Kigamboni

Tarehe iliyowekwa: February 11th, 2019

Waheshimiwa Madiwani na Wajumbe wa Baraza la Halmashauri ya Jiji la Dar es Salaam wakiongozwa na Mstahiki Meya wa Jiji la Dar es Salaam Isaya Mwita Charles, Timu ya Menejimenti ya Jiji pamoja na baadhi ya watendaji kutoka Manispaa ya Kigamboni leo tarehe 11 Februari, 2019 wamefanya ziara ya kutembelea eneo la mradi wa Dampo la Kisarawe II lililopo mtaa wa Lingato katika Manispaa ya Kigamboni.          

Lengo la ziara hiyo ya Waheshimiwa Madiwani na Timu ya wataalam ni kuona na kujiridhisha eneo ambalo litatumika kwa ajili ya kuhifadhi taka ili kuweza kuondoa kabisa changamoto ya umbali mrefu wakati wa uhifadhi wa taka zinazozalishwa jijini Dar es Salaam.

Halmashauri ya Jiji la Dar es Salaam kwa kushirikiana na Manispaa ya Kigamboni kwa pamoja zinafanya jitihada kubwa ya kuanzisha dampo hilo la kisasa ili kuwezesha uhifadhi wa taka zinazozalishwa jijini Dar es Salaam kwa njia ya kitaalam na kuwezesha utunzaji wa mazingira.