Mstahiki Meya Halmashauri ya Jiji la DSM afungua Ofisi ya Kata Vingunguti

Tarehe iliyowekwa: September 7th, 2023

Mstahiki Meya wa Halmashauri ya Jiji la Dar es Salaam leo Septemba 7, 2023 amefungua jengo la Ofisi ya Kata Vingunguti lenye thamani ya shilingi milioni 118 likiwa na ofisi tisa, ukumbi, jiko pamoja na vyoo viwili.

Akiongea na Wananchi wa Kata ya Vingunguti Mhe. Kumbilamoto amesema “ Napenda kutoa shukrani zangu kwa Mkurugenzi wa halmashauri ya Jiji la DSM, Kamati ya CCM Kata ya Vingunguti pamoja na Kamati ya Maendeleo ya Kata kwa ushirikiano wao katika kufanikisha ujenzi wa ofisi hii ambayo imeweza kurahisisha huduma kwa Wananchi wa Kata ya Vingunguti.”

Akitoa Shukrani zake kwa niaba ya Mkurugenzi wa Halmashauri ya Jiji la Dar es Salaam, Afisa Habari na Uhusiano Serikalini Bw. Hashim Jumbe amewakumbusha Wananchi wa Kata ya Vingunguti kutoa ushirikiano kwa Makarani wote wanaokusanya takwimu za wafanyabiashara kwani zoezi hilo ni la kawaida kwakuwa dhamira ya Mkurugenzi ni kutambua Idadi ya wafanyabiashara wote wanaopatikana ndani ya Halmashauri wenye leseni na wasio na leseni.

Sambamba hilo Bw. Jumbe amewaelekeza kufika ofisi za vingunguti ambapo kuna Ofisi za Kanda kwani ofisi hizo hutoa huduma mbalimbali kama vibali vya ujenzi pamoja na huduma nyingine muhimu hivyo kwa Mwananchi yoyote anayetaka huduma hizo afike ofisi za Kata vingunguti ambapo kuna ofisi za Kanda na kuweza kupatiwa huduma hizo kwa uharaka zaidi.