Mwenge wa Uhuru wazindua Mradi wa Maboresho ya Mtaa wa Samora Jijini Dar es Salaam

Tarehe iliyowekwa: May 29th, 2017

Kiongozi wa Mbio za Mwenge wa Uhuru Kitaifa mwaka huu Ndg. Amour Hamad Amour leo tarehe 29 Mei, 2017 amezindua Mradi wa Maboresho ya Mtaa wa Samora Jijini Dar es Salaam katika Manispaa ya Ilala jijini Dar es Salaam.

Lengo la Mradi:

1. Kuboresha usalama barabarani na kuondoa msongamano wa magari kwa kutengeneza maegesho sahihi ya magari na njia za waendao kwa miguu.
2. Kusaidia juhudi za Manispaa ya Ilala za kupendezesha mitaa ya Jiji na kuweka taa za barabarani.

Faida za Mradi

1. Kuboresha mazingira mazuri na salama ya waenda kwa miguu kando kando ya Mtaa wa Samora.
2. Mazingira mazuri ya maegesho ya magari yatachangia mapato na kupandisha thamani ya ardhi/nyumba.

Mradi huu unagharamiwa na Serikali ya Japan kupitia JICA ambao unagharimu jumla ya Dola za Kimarekani 400,000 na ulianza kutekelezwa mnamo mwezi Januari, 2017 na unatarajiwa kukamilika mnamo mwezi Julai, 2017. 

Mradi huu ni miongoni mwa miradi ya mifano ambayo imeandaliwa kwa pamoja na wataalam wa JICA na wa Taasisi mbalimbali za Serikali ya Tanzania zinazojihusisha na usafiri/usafirshaji katika Jiji la Dar es Salaam.