Ukaguzi wa Miundombinu ya dampo la Pugu Kinyamwezi

Tarehe iliyowekwa: April 25th, 2017

Waheshimiwa Madiwani wa Halmashauri ya Jiji la Dar es Salaam na Wajumbe wa Kamati ya Fedha na Uongozi wakiongozwa na Mwenyekiti wa Kamati hiyo Naibu Meya wa Jiji, Mhe. Mussa Swedi Kafana na wajumbe wa timu ya menejimenti ya Halmashauri ya Jiji wamefanya ziara ya ukaguzi wa ujenzi wa barabara za ndani za dampo la Pugu Kinyamwezi pamoja na ukuta kuzunguka eneo lote la dampo.

Halmashauri ya Jiji la Dar es Salaam katika mwaka huu wa fedha inatarajia kukamilisha ukarabati wa kawaida wa barabara za ndani na ujenzi wa ukuta awamu ya tatu kuzunguka eneo lote la dampo la Pugu Kinyamwezi kwa lengo la kurahisisha uingizwaji na uhifadhi wa taka ngumu zinazozalishwa jijini pamoja kuimarisha usalama ndani ya eneo la dampo.