DC Mpogolo amshukuru Rais Samia kwa kutenga Bilioni 302 kwaajili ya Miradi ya Maendeleo Ilala

Tarehe iliyowekwa: October 9th, 2024

Mkuu wa Wilaya ya Ilala Mhe. Edward Mpogolo amesema Wamepokea shilingi Bilioni 302 Kwa ajili ya Utekelezaji wa Miradi mbalimbali ya Maendeleo Wilayani huhumo.

Mhe. Mpogolo ameyabainisha hayo Oktoba 9, 2024 katika zoezi la kuweka jiwe la Msingi Shule ya Sekondari Liwiti iliopo Jimbo la Segerea Jijini Dar es Salaam ambapo amemshkuru Rais Dkt. Samia Suluhu Hassan katika kutenga fedha hizo Kwa ajili ya Utekelezaji wa Miradi hiyo.

Amesema zimeshatumika shilingi Bilioni 1.7 Kwa ajili ya Ujenzi wa Shule ya Sekondari ya Liwiti ambayo Leo hii Mheshmiwa Waziri wa Nchi Ofisi ya Waziri Mkuu Sera Bunge na Uratibu Mhe. William Lukuvi ameweka jiwe la Msingi kwenye Shule hiyo ambayo imejengwa na Serikali kupitia Utekelezaji wa Ilani ya Chama Cha Mapinduzi CCM.

"Utekelezaji wa Miradi mbalimbali ya Maendeleo Wilayani hapa ni kutokana na Ushirikiano wa Viongozi walipo jijini hapa katika kuhakikisha wanatimiza adhma ya Rais Dkt. Samia Suluhu Hassan katika kutatua changamoto zinazo wakabili Wananchi". Alisema Mhe. Mpogolo.

Kaulimbiu ya Uchaguzi wa Serikali za Mitaa 2024 "Serikali za Mitaa, Sauti ya Wananchi, Jitokeze Kushiriki Uchaguzi."