Jiji la DSM kukamilisha ujenzi wa vyumba vya madarasa 310 kwa wakati

Tarehe iliyowekwa: November 29th, 2022

Halmashauri ya Jiji la Dar es Salaam ipo kwenye utekelezaji wa mpango wa ujenzi wa vyumba vya madarasa 310 kwa Shule za Sekondari kupitia fedha zilizotolewa na Mhe. Rais Samia Suluhu Hassan maarufu kama 'Pochi ya Mama'

Aidha, Halmashauri ya Jiji la Dar es Salaam, imepokea Jumla ya fedha Shilingi Bilioni 6.2 kwa ujenzi wa vyumba vya madarasa 310 huku kila chumba kikijengwa kwa fedha Shilingi Milioni 20

"Katika madarasa hayo tunajenga vyumba vya madarasa ya msambao 273 na madarasa ya ghorofa 37 yanayojengwa Shule ya Sekondari Kipunguni, madarasa 16, Shule ya Sekondari Minazi Mirefu madarasa 05, Shule ya Sekondari Liwiti madarasa 09 na madarasa 07 yanajengwa Shule ya Sekondari Mnazi Mmoja" Mwl. Mussa Ally, Afisa Elimu Sekondari Halmashauri ya Jiji la Dar es Salaam.

Ujenzi wa vyumba vya madarasa 37 ya ghorofa umezingatia ufinyu wa maeneo ambapo Halmashauri ya Jiji la Dar es Salaam imeweza kutoka Shilingi Milioni 800 kufanikisha ujenzi huo

"Katika Shule 04 zinazojengwa madarasa ya ghorofa, Halmashauri imepeleka Shilingi Milioni 200 kwenye kila Shule sawa na Milioni 800, lengo ni kuhakikisha kwamba maeneo hayo finyu ambayo baadhi yao kwa mwaka jana tulilazimika kuhamisha madarasa kupeleka sehemu yenye nafasi, mwaka huu yatajengwa katika mtindo wa ghorofa kwa ku 'support' na fedha za Halmashauri" Mwl. Mussa Ally

Kazi ya ujenzi wa vyumba vya madarasa 310 inatarajiwa kukamilika kwa wakati ili vyumba hivyo viweze kutumiwa na wanafunzi wa kidato cha kwanza mwaka 2023.

"Sisi tunajipanga kukamilisha madarasa yetu ndani ya muda uliopangwa na kufanya hivyo tumeunda timu za usimamizi ziko huko katika mashule na tumewahusisha pia Wakuu wa Idara mbalimbali kama walezi na sisi wenyewe tunazunguka kuangalia" Mwl. Mussa Ally

Itakumbukwa kwamba wanafunzi Elfu 30 wamehitimu elimu ya msingi kwa mwaka 2022 kwa Halmashauri ya Jiji la Dar es Salaam, hivyo kufanya upungufu wa vyumba vya madarasa ya kusomea kidato cha kwanza mwaka 2023 kufikia 310, hali hiyo imeilazimu Serikali kutoa fedha kujenga vyumba hivyo vya madarasa

"Tulikuwa na upungufu wa vyumba vya madarasa 310 ambapo kwa hakika madarasa yote 310 yamepatikana, na makisio yetu Halmashauri ni kwamba ufaulu utaongezeka, watoto wote Elfu 30 watakaokuwa wamechaguliwa kujiunga na kidato cha kwanza mwaka 2023 watapata nafasi ya kusoma" Mwl. Mussa Ally

Jamhuri ya Muungano wa Tanzania Ofisi ya Rais, Tawala za Mikoa na Mamlaka za Serikali za Mitaa Halmashauri ya Jiji la Dar es Salaam

Jiji la DSM kukamilisha ujenzi wa vyumba vya madarasa 310 kwa wakati

Matangazo

Habari Mpya

Kamati ya kuthibiti UKIMWI ya Manispaa ya Kigamboni yafanya ziara ya mafunzo katika Halmshauri ya Jiji la DSM

Waziri Mkuu atembelea Kariakoo, atoa maagizo mmiliki wa jengo akamatwe

Elimu itolewe katika Jamii kutokomeza ukatili wa kijinsia na kuthibiti maambukizi ya UKIMWI

Zaidi ya hati elfu nne kutolewa kwenye zoezi la Ardhi Clinic

Video

Msimbazi Basin Development Project Implementation Area

Viunganishi vya Haraka

Ramani ya Eneo

Wasiliana Nasi

Jamhuri ya Muungano wa Tanzania Ofisi ya Rais, Tawala za Mikoa na Mamlaka za Serikali za Mitaa Halmashauri ya Jiji la Dar es Salaam

Jiji la DSM kukamilisha ujenzi wa vyumba vya madarasa 310 kwa wakati

Matangazo

Habari Mpya

Kamati ya kuthibiti UKIMWI ya Manispaa ya Kigamboni yafanya ziara ya mafunzo katika Halmshauri ya Jiji la DSM

Waziri Mkuu atembelea Kariakoo, atoa maagizo mmiliki wa jengo akamatwe

Elimu itolewe katika Jamii kutokomeza ukatili wa kijinsia na kuthibiti maambukizi ya UKIMWI

Zaidi ya hati elfu nne kutolewa kwenye zoezi la Ardhi Clinic

Video

Msimbazi Basin Development Project Implementation Area

Viunganishi vya Haraka

Viunganishi Linganifu

Wasomaji mbalimbali duniani

Idadi ya Wasomaji

Ramani ya Eneo

Wasiliana Nasi