Rais mteule Dkt. Magufuli kuapishwa rasmi jijini Dodoma

Rais mteule wa Jamhuri ya Muungano wa Tanzania Dkt. John Pombe Magufuli anatarajiwa kuapishwa tarehe 05 Novemba, 2020 jijini Dodoma baada ya kushinda uchaguzi wa Urais katika Uchaguzi Mkuu uliofanyika tarehe 28 Oktoba, 2020 ambapo Dkt. Magufuli alishinda kwa kupata kura 12,516,252 sawa na asilimia 84.4 ya kura zote zilizopigwa.

Hii itakuwa mara ya kwanza nchini Rais kuapishwa nje ya Jiji la Dar es Salaam na kwa mara ya kwanza Rais kuapishwa jijini Dodoma yalipo Makao Makuu ya nchi.