Dar City yaitikisa Kinondoni MC

Tarehe iliyowekwa: August 19th, 2025

Na: Aritha Mziray - Tanga

Halmashauri ya jiji la Dar es Salaam  imeendelea kutikisa katika michuano ya SHIMISEMITA 2025 baada ya kuichakaza Kinondoni MC katika mchezo wa kikapu (Basketball)

Katika michuano hiyo, Dar city ilipata ushindi wa vikapu (16-2) dhidi ya Kinondoni MC, ikiwa ni ushindi wa kwanza wa kikapu katika michuano hii .

Michezo hiyo inaendelea kwenye Uwanja wa Mkwakwani stadium, Jijini Tanga ambapo Dar City bado inaendelea kuonyesha ukali katika awamu za awali za mashindano.

Timu ya Jiji inasubiria ratiba itakayofata kufahamu itakutana na timu kutoka halmashauri ipi katika mashindano hayo yaliyoanza rasmi leo Agosti 15 hadi 29 mwaka huu ambapo jumla ya halmashauri 141 zinashiriki.

Mashindano hayo yanayoshirikisha halmashauri zote nchini yenye kauli mbiu "Jitokeze Kupiga Kura kwa Maendeleo ya Michezo" yameanza rasmi Agosti 15 na yanatarajiwa kukamilika Agosti 29 mwaka huu.