Kamati ya Mipango Miji, Mazingira na Miundombinu

Majukumu ya jumla:

Kusimamamia matumizi bora ya ardhi kwa kuzingatia mpango wa matumizi ya ardhi (Master Plan) ya Jiji na kusimamia matumizi sahihi ya Miundombinu iliyopo.

Majukumu maalum ya Kamati;

1. Kupendekeza kwa Halmashauri mipango na bajeti ya Idara ya Mipango Miji, Mazingira na Usafirishaji pamoja na Idara ya Ujenzi.
2. Kupendekeza matumizi ya maeneo ya wazi, bustani na maeneo ya kupumzikia yaliyo ndani ya mipaka ya Halmashauri.
3. Kupendekeza mipango ya kutenga maeneo maalum, utupaji na uteketezaji wa taka pamoja na maeneo ya kuwekeza.
4. Kuratibu mipango ya uendelezaji wa pwani/fukwe za bahari, mito na mabonde, sehemu za kujenga masoko, sehemu za burudani, starehe, mapumziko, michezo na maeneo ya makaburi.
5. Kushirikiana na taasisi mbalimbali katika kupendekeza na kutekeleza mipango inayohusu uhifadhi wa mambo ya kale ili kukuza shughuli za utalii Jijini.
6. Kusimamia na kushauri kuhusu shughuli za usafiri na usafirishaji ndani ya Jiji la Dar Es Salaam kwa kutunga na kusimamia sheria ndogo zinazohusu usafiri na usafirishaji na matumizi mazuri ya ardhi.
7. Kusimamia na kuratibu mapendekezo ya majina ya Mitaa na anuani za makazi Jijini kwa kushirikiana na wadau mbalimbali.
8. Kushughulikia na kushauri mamlaka kuhusu ukarabati na ujenzi wa miundombinu ndani ya Jiji
9. Kupendekeza masuala yanayohusu uhifadhi na mambo ya kale na mandhari yenye sura ya kukuza utalii Jijini.
10. Kupendekeza kutungwa kwa sharia ndogo katika matumizi ya ardhi Jijini.
11. Kusimamia masuala ya hifadhi za mazingira hususani tathmini ya athari za mazingira katika miradi inayotekelezwa Jijini.