Bus Terminals

Kituo Kikuu cha Mabasi cha Ubungo

Halmashauri ya Jiji la Dar es Salaam inamiliki kituo cha mabasi yaendayo mikoani na nchi jirani cha Ubungo. Kituo hiki kilianzishwa mwaka 1999 kwa lengo la kuondoa msongamano wa mabasi yaliyokuwepo katika vituo vidogo vidogo vilivyokuwepo katikati ya Jiji. Tangu kuanzishwa kwake Kituo cha mabasi cha Ubungo kimekuwa kikitoa huduma iliyokusudiwa kwa wananchi pamoja na kutoa huduma, kituo hiki pia ni chanzo kikuu cha mapato cha Halmashauri ya Jiji.

Ujenzi wa Kituo Kikuu kipya na cha kisasa cha Mabasi cha Mbezi Luis

Halmashauri ya Jiji la Dar es Salaam imetenga fedha za ujenzi wa Kituo Kikuu cha mabasi yaendayo mikoani na nchi jirani cha Mbezi Luis ili kupisha ujenzi wa miundombinu ya DART ndani ya Kituo Kikuu cha Mabasi cha Ubungo na kupunguza msongamano wa magari katika eneo la Ubungo.

Katika kutekeleza mradi huu, Halmashauri ya Jiji la Dar es Salaam, imekamilisha maandalizi ya uandaaji wa taarifa mbalimbali kuhusu mradi kama:

• Utafiti, michoro, usanifu na gharama za mradi "Feasibility study, Environment Impact Assessment, Business Plan, Architectural, Engineering Drawings and Bills of Quantities etc."
• Kulipia fidia kwa awamu ya kwanza na kwa sasa awamu ya pili mchakato wa kulipia fidia unaendelea ili kupanua eneo zaidi.

Halmashauri ya Jiji la Dar es Salaam pia imefanikiwa kupangiwa fedha za Serikali Kuu kwa ajili ya miradi ya kimkakati kiasi cha shilingi 50,689,000,000.00 ili kuweza kutekeleza ujenzi wa miundombinu wa Kituo Kikuu cha Mabasi yaendayo mikoani na nchi jirani cha Mbezi Luis.

Michoro ya mwonekano wa Kituo Kikuu cha mabasi yaendayo mikoani na nchi jirani cha Mbezi Luis