DC Mpogolo ataka vilabu vya kodi kuanzishwa mashuleni

Posted on: September 27th, 2023

Mkuu wa Wilaya ya Ilala Mhe. Edward Mpogolo amezitaka shule zote za Msingi na Sekondari Mkoa wa Dar es Salaam kuanzisha klabu za kodi ili elimu ya kodi ianzie ngazi za chini.

Mhe. Mpogolo ametoa rai hiyo alipokuwa akifungua mashindano ya klabu za kodi yaliyofanyika Sekondari ya Jamhuri jijini Dar es Salaam, ikiwa ni mwendelezo wa wiki ya mashine za risiti za kielektroniki (EFD), inayoadhimishwa na Mamlaka ya Mapato Tanzania (TRA) kwa kushirikiana na Ofisi ya Mkuu wa Wilaya ya Ilala.

Amesema yeye ndiye mlezi wa vilabu vya Wilaya hivyo kutokana na umuhimu wa mapato kwa Serikali, elimu ya kodi inapaswa kuanzia ngazi ya chini.

Amesema wafanyabiashara ni mawakala wa Serikali katika ukusanyaji wa kodi kwa kushirikiana na TRA, akieleza kuwa kodi ndizo zinazotekeleza miradi ya maendeleo na huduma bora za kijamii kwa wananchi.