Halmashauri ya Jiji la DSM yaiduwaza Njombe mpira wa wavu (volleyball)

Posted on: August 18th, 2025

Na: Aritha Mziray - Tanga

Halmashauri ya Jiji la Dar es Salaam imeibamiza Halmashauri ya wilaya ya njombe kwa seti 2-0 (12-25 na 25-15) katika mchezo wa mpira wa wavu(volleyball) uliofanyika katika viwanja vya Shule ya sekondari Tanga (Tanga  Tech) kwenye mashindano ya SHIMISEMITA yanayoendelea mkoani Tanga.

Mchezo huo wa vuta ni kuvute ulioshudia seti ya kwanza iliyokuwa na msisimko wa aina yake baada ya timu zote mbili kuoneshana uwezo ambapo mpaka seti hiyo inaisha Halmashauri ya Jiji la Dar es salaam ilikuwa inaongoza kwa 25-12.

Seti ya pili timu ya Jiji la Dar es salaam maarufu kama "Dar City'' ilirudi kivingine na kufanya mpaka mwisho wa mchezo huo ubao usome seti 2-0

Michezo ya SHIMISEMITA inajumuisha michezo mbalimbali ambayo husimamiwa na Shirikisho la Michezo la Halmashauri kwa Serikali za Mitaa na kwa mwaka huu inafanyika katika mkoa wa Tanga.