Jiji, wadau wahamasisha kuacha matumizi ya mifuko ya plastiki

Posted on: June 8th, 2019

Halmashauri ya Jiji la Dar es Salaam kwa kushirikiana na Shirika la Mazingira la Umoja wa Mataifa(UNEP), Chama cha Waendesha Baiskeli Tanzania na wadau mbalimbali wa mazingira leo Juni 8, 2019 katika Viwanja vya Mnazi Mmoja limeendelea na kazi ya kuhamasisha wananchi kuacha matumizi ya mifuko ya plastiki katika Jiji la Dar es Salaam.

Mameya wa Halmashauri ya Jiji, Manispaa za Mkoa wa Dar es Salaam na Mkurugenzi wa Jiji la Dar es Salaam, Sipora Liana wameshiriki katika tukio hilo lililohusisha matembezi ya kutumia baiskeli ikiwa ni sehemu ya uhamasishaji huo.

Zaidi ya wananchi 200 wameshiriki katika tukio hilo kutoka katika maeneo mbalimbali ya Jiji la Dar es Salaam.