Madiwani wa Jiji wajadili utekelezaji wa mpango na bajeti ya mwaka 2017/2018

Posted on: February 23rd, 2018

Wajumbe wa Baraza la Madiwani la Halmashauri ya Jiji la Dar es Salaam wakiongozwa na Mstahiki Meya wa Jiji, Isaya Mwita leo tarehe 23 Februari, 2018 wamefanya Mkutano wa Baraza katika ukumbi wa Karimjee na kujadili utekelezaji wa mpango na bajeti ya Halmashauri ya mwaka 2017/2018 kwa kipindi kinachoishia Desemba, 2017.

Halmashauri ya Jiji la Dar es Salaam katika bajeti ya mwaka 2017/2018 iliidhinisha jumla ya Shilingi 22,025,888,000.00 ikiwa ni bajeti ya Mishahara ya watumishi, matumizi ya kawaida na za utekelezaji wa Miradi ya Maendeleo.

Wananchi na wadau mbalimbali wa Halmashauri ya Jiji la Dar es Salaam wamepata fursa ya kushiriki Mkutano huo na kusikiliza mawasilisho ya taarifa za utekelezaji za shughuli za kila siku na za miradi ya maendeleo ya Jiji la Dar es Salaam.