Mkurugenzi Mabelya ahimiza ushirikiano baina ya Majiji ya DSM na Hamburg katika michezo

Posted on: November 12th, 2024

Na: Shalua Mpanda

Mkurugenzi wa Jiji la Dar es Salaam Elihuruma Mabelya amekutana na baadhi ya viongozi na wachezaji wa timu ya mpira wa wavu (Volleyball) ya ETV kutoka nchini Ujerumani.

Akizungumza na wawakilishi hao ofisini kwake leo Novemba 12,2024, Mkurugenzi huyo wa Jiji amesema mahusiano ya kidiplomasia kati ya Nchi hizi mbili yanapaswa kuendelezwa kwa mustakabali wa maendeleo na hasa katika nyanja ya Michezo.

"Tumeshuhudia jinsi Mheshimiwa Rais Dkt. Samia Suluhu Hassan anavyojitahidi kudumisha mahusiano na nchi nyingine ulimwenguni,na sisi hatuna budi kuunga mkono juhudi hizi kwa njia tofauti ikiwemo hii ya michezo". Alisema Mabelya

Kwa upande wake kiongozi wa msafara huo kutoka Jiji la Hamburg bwana Oliver Camp amemshukuru Mkurugenzi huyo wa Jiji la Dar es Salaam kwa mapokezi mazuri na kuahidi kuwa ushirikiano huu utaendelezwa kutokana na historia nzuri iliyopo baina ya majiji ya Hamburg na Dar es Salaam