Naibu Spika atembelea eneo la ujenzi wa shule ya mfano ya CRDB

Posted on: June 22nd, 2025

Na: Doina Mwambagi

Naibu Spika wa Bunge la Jamhuri ya Muungano wa Tanzania, Mheshimiwa Mussa Zungu, leo tarehe 22 Juni 2025, amtembelea eneo litakapojengwa shule ya mfano inayojengwa na Benki ya CRDB kwa kushirikiana na Halmashauri ya Jiji la Dar es Salaam.

Ujenzi wa shule hiyo ni sehemu ya jitihada za kuunga mkono sera ya Serikali ya Awamu ya Sita inayoongozwa na Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan, ya kuboresha miundombinu ya elimu nchini.

Akizungumza katika ziara hiyo, Mheshimiwa Zungu amemshukuru Benki ya CRDB kwa kuchukua jukumu la kijamii na kushirikiana na serikali katika kuboresha elimu. Anasema kuwa hatua hiyo inaonesha jinsi taasisi binafsi zinavyoweza kuwa washirika wa kweli katika maendeleo ya Taifa.

Kwa upande wake, Mkurugenzi Mtendaji wa Benki ya CRDB, Abdulmajid Nsekela, amesema kuwa benki hiyo imedhamiria kuhakikisha shule hiyo inakuwa ya mfano kwa kuwa na miundombinu bora na ya kisasa, sambamba na matumizi ya vifaa vyenye ubora wa hali ya juu kutoka kwa wakandarasi watakaohusika.

“Kwa kuwa shule hii itabeba jina la CRDB, tunategemea ijengwe kwa viwango vya hali ya juu vinavyoendana na hadhi ya benki yetu. Hili ni jambo la heshima kwetu, na tutalisimamia kikamilifu,” amesisitiza Nsekela.

Benki ya CRDB inasisitiza kuwa mradi huu ni sehemu ya mkakati wake wa uwekezaji wa kijamii (CSR) unaolenga kusaidia maendeleo ya sekta muhimu kama elimu, afya, na mazingira.