Viongozi wa Chama na Serikali wahimizwa kusimamia Ulinzi na Usalama

Posted on: September 21st, 2024

Mkuu wa Wilaya ya Ilala Mhe. Edward Mpogolo amewataka viongozi wa Chama na Serikali kushirikiana na viongozi wa dini kuhakikisha wanasimamia ulinzi na usalama katika maeneo yao kwani ulinzi na usalama ndio msingi mkubwa wa maendeleo ya jamii katika ngazi zote, na kwa hakika hakuna jamii ambayo itajivunia kupata mwelekeo wa maendeleo Kama kwao usalama haupo.

Mhe. Mpogolo ametoa rai hiyo leo Septemba 21, 2024 wakati akihitimisha ziara yake ya siku nane katika Majimbo matatu ya Wilaya ya Ilala kwa kufanya Mkutano na viongozi wa Chama na Serikali  kwa  Kata za Bonyokwa, Segerea, Kisukuru na Kinyerezi uliofanyika katika ukumbi wa Lukolo Jijini Dar es Salaam wenye lengo la kutoa elimu kwa viongozi hao kuwa na mahusiano mazuri na kuendelea kushirikiana katika kuhakikisha Ilani ya Chama inatekelezwa na huduma za kijamii zinaboreshwa kwa wananchi.

Aidha, Mhe. Mpogolo amewasihi viongozi haonkuhakikisha kila mmoja anakua mlinzi wa mwingine katika kuhakikisha wanakemea vitendo viovu vinavyoendelea katika Jamii na kuhakikisha wanashirikiana na Jeshi la polisi kutoa taarifa pindi watakapoona watu ambao hawaelewi katika maeneo yao.

“Sisi kama Viongozi ni wajibu wetu kuunga mkono Serikali kwa kusimamia amani na usalama wa nchi yetu kwani Wawekezaji wanakuja kuwekeza nchini kwetu kwasababu kuna amani bila amani wawekezaji hawawezi kuwekeza nchi hivyo tutoe taarifa kwa Jeshi la polisi pindi tunapowaona watu tusiowaelewa katika maeneo yetu wanaoonekana kuleta uvunjifu wa amani  hii itasaidia kuhakikisha ulinzi na usalama unakuwepo katika mitaa yetu”. Amesisitiza Mhe. Mpogolo.

Vilevile, Mhe. Mpogolo amewataka viongozi hao kusimamia maadili kwa watoto wao hasa waliomaliza darasa la saba ili kuepuka mimba za utotoni pamoja na kujiingiza katika makundi ya kiushawishi yasiyoendana na mila na desturi za Kitanzania.

Halikadhalika, Mhe.Mpogolo amewasihi viongozi kuhakikisha wanashiriki uchaguzi wa Serikali za Mitaa pamoja na kuwahamasisha Wananchi kujiandikisha katika daftari la makazi ili kuweza kushiriki uchaguzi wa Serikali za Mitaa unaotarajiwa kufanyika tarehe 27, 2024 huku akiwasihi Wananchi wenye sifa za kugombea kujitokeza kuchukua fomu ili waweze kugombea kwa maendeleo ya wananchi na Jiji kwa ujumla.

Aidha, ziara hiyo imehitimishwa kwa kutembelea Kata 36 na Mitaa 159 ambapo Mhe. Mpogolo ameweza kukutana na Viongozi 9350 wa Kata, Mitaa, Matawi na Mashina pamoja na kusikiliza na kutatua kero za Wananchi wa Kata hizo.

Video

Msimbazi Basin Development Project Implementation Area
More Videos

Quick Links

Related Links

World visitors tracker

world map hits counter

Visitors Counter

free HitCounter

Location Map

Contact Us

    1 BARABARA YA MOROGORO 11882 DAR ES SALAAM

    Postal Address: S.L.P 20950

    Telephone: 0738 378 386

    Mobile: 0738 378 386

    Email: info@dcc.go.tz

Other Contacts

   

Copyright © 2017 Dar es Salaam City Council . All rights reserved.