WAZIRI MKUU AFUNGUA RASMI MAADHIMISHO YA WIKI YA VIJANA KITAIFA MKOANI KAGERA

Posted on: October 12th, 2022

Waziri Mkuu wa Jamhuri ya Muungano wa Tanzania Mhe. Kassim Majaliwa Kassim, leo Tarehe 12/10/2022 amefungua rasmi Maadhimisho ya Wiki ya Vijana Mkoani Kagera ndani ya Viwanja vya Gymkhana katika Halmashauri ya Wilaya ya Bukoba, Maadhimisho hayo yameambatana na  kilele cha uzimaji wa Mbio za Mwenge wa uhuru Tarehe 14/10/2022 Pamoja na kumuenzi Hayati Baba wa Taifa Mwl.Julius K. Nyerere,

"Leo tumebahatika kuona vipaji vya vijana wa kila mahali na kutufanya tuyafikie malengo ambayo tuliyatarajia ndani ya wiki hii ya vijana" Amesema Waziri Mkuu

Vilevile Waziri Mkuu amewataka vijana kuzingatia zaidi falsafa za Mwl. Julius k. Nyerere kwa kuyaenzi yale aliyoyatenda katika jamii na si kuanzisha makundi yasio na maana kwa maana vijana ndio makundi muhimu katika jamii.

Aidha akiongea na Vijana wa Mkoa wa Kagera, Mkuu wa Mkoa Mhe. Albert Charamila Ametoa shukrani za dhati kwa Rais wa Jamhuri ya Muungano wa Tanzania, Mama Samia Suluhu Hassan kwa kuwaletea maadhimisho haya ya vijana katika Mkoa wa Kagera, na kuwapongeza sana vijana wote walioshiriki vyema maadhimisho haya bila kuangalia umbali wa maeneo waliyotoka.