Waziri Mkuu Mstaafu aridhishwa na banda la Jiji la Dar es Salaam katika maonesho ya Nanenane 2022

Posted on: August 4th, 2022

Waziri Mkuu Mstaafu Mhe Mizengo Kayanza Pinda leo tarehe 4 Agosti, 2022 amelitembelea banda la maonesho ya nane nane la Halmashauri ya Jiji la Dar es Salaam na kujionea teknolojia mbalimbali zinazohusiana na Sekta za Kilimo, mifugo na uvuvi.

Akiwa ndiyeMgeni Rasmi wa Ufungizi wa maonesho ya nane nane kanda ya Mashauri yenye kauli mbiu : Ajenda 10/30, Kilimo ni biashara, shiriki kuhesabiwa, kwa mipango bora ya Kilimo, Mifugo na Uvuvi ” yanayohusisha mikoa minne ambayo ni Dar es Salaam, Morogoro, Pwani na Tanga, Waziri Mkuu Mstaafu Pinda ameridhishwa na teknolojia mbalimbali alizoziona katika banda la Halmashauri ya Jiji la Dar es Salaam.

Teknolojia ya upimaji wa udongo ili kuweza kujua afya ya udongo ni moja wapo ya teknolojia aliyojionea ambayo  Halmashauri ya Jiji ina kituo cha Maabara katika kituo cha mafunzo cha Pugu  Pugu Kinyamwezi.

Aidha Waziri Mkuu Mstaafu ameweza kujione teknolojia ya uzalishaji, usindikaji na ukaushaji wa Matunza ambayo ipo pia katika kituo cha Shamba darasa Pugu Kinyamwezi cha Halmashauri ya Jiji la Dar es Salaam inayotumiwa na kikundi cha Upendo kwa wote ambacho kimewezeshwa na Halmashauri.

Vile vile ameridhishwa na namna Halmashauri inavyotenga 10% ya mapato yake ya ndani kuwawezesha wadau wa Kilimo, mifugo na Uvuvi  ambapo amejione bidhaa mbalimbali za wajasiriamali zinazotokana na mazao yatokanayo na sekta husika.

Halmashauri ya Jiji la Dar es Salaam katika mwaka wa fedha wa 2021/22  iliweza kutoa  5.6 Bilioni na katika mwaka wa fedha wa 2022/23 ina mpango wa kutoa 6.4 Bilioni ili kuendelea kuongeza mnyororo wa thamani na kukuza Uchumi wa vikundi vyao.