Jukwaa la Uwezeshaji Wanawake Kiuchumi Wilaya ya Ilala lapata Mwenyekiti mpya

Tarehe iliyowekwa: March 2nd, 2023

Wanachama wa Jukwaa la Uwezeshaji Wanawake Kiuchumi Wilaya ya Ilala wamemchagua Bi. Rehema Sanga kuwa Mwenyekiti wa Jukwaa hilo huku Makamu Mwenyekiti akichaguliwa Bi. Lulu Nyapili katika Uchaguzi uliofanyika katika Ukumbi wa mikutano wa Arnatouglo.

Aidha, wanajukwaa hao wamemchagua Bi. Lucy Mbwale kuwa Katibu wa Jukwaa na Rukia Mshuza kuwa Katibu Msaidizi huku Bi. Zainabu Heggah Kutoka Kata akishinda nafasi ya Muweka Hazina.

Akizungumza baada ya Uchaguzi huo, Mwenyekiti wa Jukwaa hilo Bi. Rehema Sanga, amewashuru wajumbe Kwa imani waliyompa na kuahidi kuwatumikia Kwa moyo wote

"Nimekua na ndoto ya Kuwatumikia Wanawake wenzangu hivyo kupitia nafasi hii nitashirikiana na Wenzangu kuanzisha miradi ili kukuza uchumi wetu wanajukwaa" alisema Bi. Sanga

Kwa Upande wake Mkuu wa Idara ya Maendeleo ya Jamii Halmashauri ya Jiji la Dar es Salaam Bi. Francisca Makoye amewapongeza Wanajukwaa kwa kufanikisha uchaguzi na kuahidi kuendelea kuwapa Ushirikiano kwa kutekeleza takwa la kisheria la kuwezesha Makundi ya Wanawake kujikwamua kiuchumi kupitia Mikopo ya asilimia 10 inayotolewa kutoka Mapato ya ndani ya Halmashauri.