Kamati ya Kudhibiti UKIMWI Jiji la DSM yaridhishwa na huduma zinazotolewa kwa WAVIU katika Zahanati ya Mongo la Ndege

Tarehe iliyowekwa: October 31st, 2024

Kamati ya Kudhibiti UKIMWI Halmashauri ya Jiji la Dar es Salaam, leo tarehe 31 Oktoba, 2024 imefanya ziara ya kutembelea na kukagua huduma mbalimbali  zinazotolewa kwa Watu Wanaoishi na Virusi vya UKIMWI (WAVIU) lengo likiwa ni kujua changamoto wanazokabiliana nazo ili kuchukua hatua na kuzitatua kwa kipindi cha robo ya kwanza ya Mwaka wa Fedha 2024/2025.

Akiongea wakati wa ziara kwa niaba ya Mwenyekiti wa Kamati ya Ukimwi, Mjumbe wa Kamati hiyo Mhe. Rukia Mwenge amesema “Tunamshukuru Mhe Rais Dkt. Samia Suluhu Hassan kwa kutoa fedha kwa Halmashauri yetu kwa ajili ya kuboresha miundombinu ya sekta ya Afya ikiwa ni pamoja na vifaa tiba na upatikanaji wa dawa za kufubaza virusi vya Ukimwi kwa urahisi na ukaribu, pia kamati tunawashukuru sana Watumishi wa kituo hiki kwa kujitoa kwenu kuwahudumia na kuwafatilia wagonjwa kwa ukaribu.”

Kwa upande wake Mganga Mkuu wa Halmshauri ya Jiji la Dar es Salaam Dkt. Zaituni Hamza amesema “Zahanati hii inakabiliwa na changamoto ya upungufu wa vyumba za kutolea huduma lakini Halmashauri yetu imetenga milioni 250 kwa ajili ya ujenzi wa jengo jipya katika zahanati yetu. Pia Serikali yetu ya Awamu ya Sita chini ya Mhe. Rais Dkt. Samia Suluhu Hassan imesikia kilio chetu kwa kutupatia Watumishi wa Afya wapya 293 watakaosaidia na kupunguza changamoto ya Watumishi katika zahanati na vituo vyetu vya Afya”.

Naye Mratibu wa VVU/UKIMWI Sekta ya Afya Halmashauri ya Jiji la Dar es Salaam (DACC) Dkt. Aisha Zuheri ameeleza kuwa japo Kuna changamoto mbalimbali zinazowakabili pindi wakiwahudumia WAVIU ni matumaini yao Hadi kufikia 2030 kusiwe na maambukizi mapya huku akitoa wito kwa WAVIU kuachana mambo ya tiba mbadala na badala yake kujiwekeza kufata masharti wanayopewa na Wataalamu pamoja na kuzingatia lishe bora Ili kuendelea kutunza Afya zao.

Awali akisoma taarifa ya kliniki ya Tiba na mafunzo ya Zahanati ya Mongo la ndege Dkt. Nuru Kanungila ameeleza kuwa kitengo cha Tiba na mafunzo kilianzishwa mnamo tarehe 08 Aprili, 2013 ikiwa na wateja wa 5 Hadi kufikia wateja 688 ambao wameshawahi kuhudumuwa katika kituo hicho, hata hivyo zahanati inatoa huduma ya upimaji wa virusi vya UKIMWI, kutoa dawa za kufubaza Virusi vya UKIMWI, pamoja kutoa dawa ya kuzuia maambukizi kutoka kwa mama na mtoto na dawa za kifua kikuu.

Video

Msimbazi Basin Development Project Implementation Area
Video Zingine

Viunganishi vya Haraka

Viunganishi Linganifu

Wasomaji mbalimbali duniani

world map hits counter

Idadi ya Wasomaji

free HitCounter

Ramani ya Eneo

Wasiliana Nasi

    1 BARABARA YA MOROGORO 11882 DAR ES SALAAM

    Anuani ya Posta: S.L.P 20950

    Simu ya mezani: 0738 378 386

    Namba ya Mkononi: 0738 378 386

    Barua Pepe: info@dcc.go.tz

Mawasiliano Mengine

   

Hatimiliki © 2017 Halmashauri ya Jiji la Dar es Salaam. Haki Zote Zimehifadhiwa.