DC Ilala akutana na Wafanyabiashara Soko la Samaki Feri

Posted on: June 21st, 2023

Mkuu wa Wilaya ya Ilala Mhe. Edward Mpogolo amefanya Mkutano na Wafanyabiashara wa Soko   la Kimataifa la Samaki Feri leo Juni 21, 2023 wenye lengo la kusikiliza na kutatua changamoto zinazowakabili wafanyabiashara wa soko hilo.

Aidha, Mkuu wa Wilaya ameweza kujibu changamoto za wafanyabiashara hao na kumuelekeza Mkurugenzi wa Halmashauri ya Jiji la Dar es Salaam kuboresha miundombinu ya soko, kuhakikisha wanaimarisha ulinzi na usalama wa soko lakini pia kuboresha vyanzo vya ukusanyaji mapato ili kuzuia upotevu wa fedha zitokanazo na soko hilo.

"Nampongeza Mkurugenzi wa Halmashauri ya Jiji la Dar es salaam pamoja na uongozi wa Soko la Kimataifa la Feri kwakuweza kufanya kazi nzuri za utendaji lakini pia nawapongeza wafanyabiashara kwa kulipa kodi kwani kwa kufanya hivyo inaongeza pato la taifa kwa asilimia kubwa." Amesema Mhe. Mpogolo