DC Mpogolo atembelea banda la Jiji la DSM Maonesho ya Nanenane

Posted on: August 8th, 2025

Mkuu wa Wilaya ya Ilala, Mheshimiwa Edward Mpogolo, leo tarehe 8 Agosti 2025 ametembelea banda la Halmashauri ya Jiji la Dar es Salaam katika Maonesho ya Nane Nane Kanda ya Mashariki yanayofanyika Mkoani Morogoro.

Akiwa kwenye ziara hiyo Mheshimiwa Mpogolo amesema Halmashauri ya hiyo inaendelea kushirikiana na wakulima na wafugaji na wavuvi ikiwa ni pamoja na kutoa mafunzo mbalimbali ili kuongeza tija, ubora wa mazao, na ustawi wa mifugo.

Mheshimiwa Mpogolo amewataka wananchi kuja kujifunza kilimo cha mjini huku akisisitiza kuwa kilimo cha mbogamboga kinaweza kufanyika kwenye maeneo madogo na kuchangia kipato cha familia.

Aidha, ameipongeza Halmashauri ya Jiji la Dar es Salaam kwa kuunga mkono kilimo cha mjini na kuchochea maendeleo ya kilimo na mifugo kwa wakazi wake.

“CHAGUA VIONGOZI BORA KWA MAENDELEO ENDELEVU YA KILIMO, MIFUGO NA UVUVI 2025”