Ujumbe wa wawekezaji kutoka Jiji la CPC Liujiong nchini China waitembelea Halmashauri ya Jiji

Posted on: July 3rd, 2017

Ujumbe wa wageni kutoka Jiji la viwanda la CPC Liujiong nchini China leo tarehe 03 Julai, 2017 ukiongozwa na "Municipal Party Secretary" Ndugu.  Zheng Junkang umeitembelea Halmashauri ya Jiji la Dar es Salaam na kufanya kikao na wajumbe wa menejimenti wa Halmashauri ya Jiji la Dar es Salaam.

Katika mazungumzo na timu ya menejimenti ya Halmashauri ya Jiji la Dar es Salaam, ujumbe kutoka CPC Liujiong umeonesha dhamira ya dhati ya kushirikiana na Jiji la Dar es Salaam katika maeneo ya kiuchumi, kilimo, viwanda na upendezeshaji miji.

Mbali na hayo, ujumbe huo umeeleza kwamba wako tayari kushirikiana na Jiji la Dar es Salaam katika kubadilishana ujuzi na uzoefu na kuiwezesha Halmashauri ya Jiji la Dar es Salaam katika kutekeleza azma ya Serikali ya Awamu ya Tano, inayoongozwa na Rais wa Jamhuri ya Muungano wa Tanzania Dkt. John Pombe Magufuli ya kukuza uchumi wa nchi yetu katika maendeleo ya sekta za viwanda, biashara, masoko, viwanda vidogo, biashara ndogo na uwekezaji.