Wananchi wahimizwa kuendelea kujiandikisha kwenye Daftari la Makazi

Posted on: October 16th, 2024

Mkuu wa Wilaya ya Ilala Mhe. Edward Mpogolo leo Oktoba 16, 2024 amepita Mtaa kwa Mtaa kuhamasisha wananchi  kujitokeza kujiandikisha kwenye daftari la makazi ambalo lilifunguliwa Oktoba 11, 2024 na litadumu mpaka tarehe 20 Oktoba 2024 ili waweze kushiriki katika uchaguzi wa Serikali za Mitaa ifikapo Oktoba 27, 2024.

Wakati wa ziara hiyo, Mhe. Mpogolo alitoa elimu kwa wananchi juu ya umuhimu wa Serikali za Mitaa huku akiwaeleza wananchi hao tofauti kati ya Daftari la mpiga kura wa Serikali za Mitaa na daftari la kudumu la mpiga kura kwani katika daftari la Serikali za Mitaa mwananchi mwenye sifa za kupiga kura anaenda kujiandikisha katika daftari la makazi la mtaa husika na hamna kadi yoyote inayotolewa.

"Ili uweze kumchagua kiongozi bora na atakayeleta mabadiliko katika Mtaa wako ni lazima ujiandikishe kwenye daftari la Makazi ili ifikapo Novemba27, 2024 ushiriki kupiga kura hivyo niwaombe mjitokeze kwa wingi kujiandikisha kwa hizi siku 4 zilizobaki ili muweze kumpigia kura kiongozi bora lakini pia nitoe rai kwa watu wote wanaozuia wananchi kujiandikisha kwa sababu zozote zile kuwa hatua za kisheria zitachukuliwa nawatawajibishwa." Amesisitiza Mhe.Mpogolo.

Katika hatua nyingine, Mhe. Mpogolo amewaeleza wananchi juu ya Mikopo ya asilimia 10% kwa Vijana, Wanawake na watu wenye ulemavu huku akiwasisitiza wafanya biashara ndogondogo pamoja na viajana wa bodaboda kuchangamkia fursa hiyo kwani muongozo mpya wa utoaji mikopo kwa njia ya kibenki unaweza kukopa kuanzia laki tani hadi milioni mia hamsini na hauna riba.

Aidha, Mhe. Mpogolo katika ziara yake ya Mtaa kwa Mtaa aliambatana na Maafisa usafirishaji maarufu kama bodaboda wa Wilaya ya Ilala pamoja na Kamati ya Ulinzi na Usalama ya Wilaya ambapo waliweza kutembelea Mitaa ya Kamata, Vingunguti, Banana, Kitunda, Kivule sokoni, Kivule fremu 10, Msongola, Chanika pamoja na Gongolamboto






Video

Msimbazi Basin Development Project Implementation Area
More Videos

Quick Links

Related Links

World visitors tracker

world map hits counter

Visitors Counter

free HitCounter

Location Map

Contact Us

    1 BARABARA YA MOROGORO 11882 DAR ES SALAAM

    Postal Address: S.L.P 20950

    Telephone: 0738 378 386

    Mobile: 0738 378 386

    Email: info@dcc.go.tz

Other Contacts

   

Copyright © 2017 Dar es Salaam City Council . All rights reserved.